தமிழில் வரவேற்பைப் பெற்ற விநோதய சித்தம் படத்தை தெலுங்கில் பவன் கல்யாணை வைத்து சமுத்திரக்கனி இயக்கவிருக்கிறார்.  

தமிழில் சமுத்திரக்கனி நடிப்பில் நேரடியாக ஜி5 ஓடிடி தளத்தில் வெளியான படம் விநோதய சித்தம். விமர்சன ரீதியாக இந்தப் படம் நல்ல வரவேற்பை பெற்றது. இந்தப் படத்தை தெலுங்கில் பவன் கல்யாணை வைத்து சமுத்திரக்கனி ரீமேக் செய்கிறார். 

இதையும் படிக்க |  சினிமா பத்திரிகையாளரை மணக்கும் இயக்குநர் பி.எஸ்.மித்ரன் - நிச்சயதார்த்த புகைப்படங்கள் வைரல்​

இந்தப் படத்தின் பூஜை ஹைதராபாத்தில் நடைபெற்றது. இந்தப் படத்தில் பவன் கல்யாணுடன் அவரது சகோதரி மகனும் நடிகருமான சாய் தரம் தேஜ் முக்கிய வேடத்தில் நடிக்கிறார். இந்தப் படத்தின் படப்பிடிப்பு வருகிற ஜூலை முதல் துவங்கவிருக்கிறது. 

விநோதய சித்தம் திரைப்படம் உயிரிழந்த ஒருவர் தனக்கு சில கடமைகள் இருப்பதாகக் கடவுளிடம் அனுமதிவாங்கி மீண்டும் உயிர் பெற்றுவருவது போல திரைக்கதை அமைக்கப்பட்டிருக்கும். தெலுங்கில் சமுத்திரக்கனி வேடத்தில் பவன் கல்யாணும், தம்பி ராமையா வேடத்தில் சாய் தரம் தேஜும் நடிக்கவிருக்கின்றனர்.