பாரதிராஜாவின் நடிப்பில் உருவாகியுள்ள மார்கழி திங்கள் படத்தின் டிரைலர் வெளியாகியுள்ளது.

இயக்குநர் சுசீந்திரன் தயாரிப்பில், இயக்குநர் பாரதிராஜாவின் மகன் மனோஜ் ‘மார்கழி திங்கள்’ என்கிற புதிய திரைப்படத்தை இயக்கி வருகிறார். இப்படத்திற்கு இளையராஜா இசையமைக்கிறார். 

இப்படத்தில் பாரதிராஜா முக்கிய கதாபாத்திரத்தில் நடித்துள்ளார். படத்தின் படப்பிடிப்பு பழனி அருகே உள்ள கணக்கம்பட்டியில் நடைபெற்று வந்த நிலையில், விரைவில் இப்படம் திரையரங்குகளில் வெளியாகவுள்ளது.

சமீபத்தில் இப்படத்தின் டீசர் வெளியாகி, ரசிகர்களிடையே நல்ல வரவேற்பை பெற்றது. 

இதையும் படிக்க: கடும் உடற்பயிற்சியில் ராஷ்மிகா!

இந்த நிலையில், இப்படத்தின் டிரைலர் மற்றும் இசை வெளியிட்டு விழா சென்னையில் நடைபெற்றது. சமூகவலைதளத்தில் மார்கழி திங்கள் படத்தின் டிரைலர் வைரலாகி வருகிறது.