ரங்கூன் திரைப்படத்தின் மூலம் இயக்குநராக அறிமுகமானவர் ராஜ்குமார் பெரியசாமி. பிக்பாஸ் நிகழ்ச்சியின் இயக்குநராகவும் பணியாற்றியிருக்கிறார்.

தற்போது, நடிகர்கள் சிவகார்த்திகேயன், சாய் பல்லவி நடிப்பில் உருவான அமரன் திரைப்படத்தை இயக்கி மிகப்பெரிய வெற்றியைப் பதிவு செய்துள்ளார்.

தீபாவளி வெளியீடாக அக். 31 அன்று திரையரங்குகளில் வெளியான அமரன் ரூ. 150 கோடிக்கும் அதிகமாக வசூலித்துள்ளதாகக் கூறப்படுகிறது.

இந்நிலையில் தனுஷின் 55ஆவது படத்தினை ராஜ்குமார் பெரியசாமி இயக்குகிறார். இந்தப் படத்தினை கோபுரம் பிலிம்ஸ் அன்புச்செழியன் தயாரிக்கிறார்.

இந்தப் படத்தின் பூஜை புகைப்படங்களை படக்குழு வெளியிட்டுள்ளது.

இதையும் படிக்க: இட்லி கடை: ரிலீஸ் தேதி!

இட்லி கடை படத்தின் படப்பிடிப்புக்கு பிறகு இதில் தனுஷ் கலந்துகொள்வாரென எதிர்பார்க்கப்படுகிறது.

இந்தப் பூஜையில் இயக்குநர் வெற்றிமாறன் கலந்துகொண்டுள்ளார்.