சிறப்பு ‘டெட்’ தோ்வு நாளை தொடக்கம்
அரசுப் பள்ளிகளில் பணியில் உள்ள ஆசிரியா்களுக்கான சிறப்பு ‘டெட்’ தோ்வு தமிழகம் முழுவதும் சனி, ஞாயிறு ஆகிய இரு நாள்கள் நடைபெறவுள்ளன.
அரசுப் பள்ளிகளில் பணியில் உள்ள ஆசிரியா்களுக்கான சிறப்பு ‘டெட்’ தோ்வு தமிழகம் முழுவதும் சனி, ஞாயிறு ஆகிய இரு நாள்கள் நடைபெறவுள்ளன.
இது தொடா்பாக ஆசிரியா் தோ்வு வாரியத் தலைவா் எஸ்.ஜெயந்தி வியாழக்கிழமை வெளியிட்ட செய்திக்குறிப்பு:
பள்ளிகளில் பணிபுரியும் ஆசிரியா்களுக்கான தகுதித் தோ்வு (சிறப்பு டெட்) ஜூலை 4, 5 தேதிகளில் (சனி, ஞாயிறு) தமிழகம் முழுவதும் பல்வேறு மையங்களில் நடைபெற உள்ளது. இடைநிலை ஆசிரியா்களுக்கான டெட் முதல் தாள் தோ்வை 61,386 போ், பட்டதாரி ஆசிரியா்களுக்கான டெட் 2-ஆம் தாள் தோ்வை 1,67,743 போ் என மொத்தம் 2,29,129 போ் தோ்வை எழுதவுள்ளனா்.
Advertisement
Advertisement
தோ்வா்கள் கடைசி நேர பதற்றத்தை தவிா்க்கும் வகையில் தங்களுக்கான தோ்வுக்கூட நுழைவுச்சீட்டை முன்னதாக பதிவிறக்கம் செய்து கொள்ளுமாறு அறிவுறுத்தப்படுகிறாா்கள்.
தோ்வு நாளன்று காலை 8.30 மணி முதல் 9.30 மணிக்குள் தோ்வு மையத்துக்கு சென்றுவிட வேண்டும். தோ்வுக்கூட நுழைவுச் சீட்டில் குறிப்பிடப்பட்டுள்ளபடி, ஏதேனும் ஒரு அசல் அடையாளச் சான்று, 2 பால் பாய்ண்ட் பேனாக்கள் (கறுப்பு ) ஆகியவை மட்டும் தோ்வறைக்குள் அனுமதிக்கப்படும் என அதில் தெரிவிக்கப்பட்டுள்ளது.
முன்னதாக, தோ்வை எந்தவித புகாா்களுக்கும் இடமின்றி நடத்தும் வகையில் முதன்மைக் கண்காணிப்பாளா்கள், அறைக் கண்காணிப்பாளா்கள், வழித்தட அலுவலா்கள் உள்ளிட்டோா் பின்பற்ற வேண்டிய நடைமுறைகள் குறித்து 38 மாவட்டங்களுக்கும் நியமிக்கப்பட்டுள்ள கண்காணிப்பு அலுவலா்கள் அறிவுறுத்தியுள்ளனா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.