பின்னணிப் பாடகர் ஹரிஹரனுக்கு லதா மங்கேஷ்கர் விருது

பிரபல திரைப்படப் பின்னணிப் பாடகர் ஹரிஹரனுக்கு கெüரவமிக்க லதா மங்கேஷ்கர் விருது திங்கள்கிழமை வழங்கப்பட்டது.

தேசிய அளவில் இசைத் துறையில் சிறந்து விளங்குபவர்களுக்கு நாட்டின் பிரபல பின்னணிப் பாடகி லதா மங்கேஷ்கர் பெயரில், மத்தியப் பிரதேச அரசு 1984-ஆம் ஆண்டு முதல் விருது வழங்கி சிறப்பித்து வருகிறது.

இந்த ஆண்டு அந்த விருது பின்னணிப் பாடகர் ஹரிஹரனுக்கு வழங்கப்பட்டது. மத்தியப் பிரதேச கலாசாரத்துறை அமைச்சர் லஷ்மிகாந்த் சர்மா மற்றும் தொழில்துறை அமைச்சர் கைலாஷ் விஜய்வர்ஜியா ஆகியோர் இந்தூரில் திங்கள்கிழமை நடைபெற்ற விழாவில் இந்த விருதை ஹரிஹரனுக்கு வழங்கினர். விருதுடன் ரூ.2 லட்சம் பரிசுத் தொகை, சான்றிதழ் ஆகியவையும் வழங்கப்பட்டன.

பிரபல பாடகரான ஹரிகரன் தமிழ், மலையாளம், தெலுங்கு, கன்னடம், ஹிந்தி, மராத்தி, போஜ்புரி, ஆங்கிலம் உள்ளிட்ட மொழிகளில் ஏராளமான பாடல்களைப் பாடியுள்ளார். சிறந்த பாடகருக்காக இரண்டு முறை தேசிய விருது பெற்ற ஹரிஹரனுக்கு மத்திய அரசு 2004-ஆம் ஆண்டு பத்மஸ்ரீ விருது வழங்கி சிறப்பித்தது.

இசைத்துறையில் கெüரவமிக்கதாகக் கருதப்படும் லதா மங்கேஷ்கர் விருதைப் பெறும் 28-ஆவது கலைஞர் ஹரிஹரன் ஆவார். இதற்கு முன்பு இசையமைப்பாளர்கள் இளையராஜா, ஏ.ஆர்.ரஹ்மான், பாடகர்கள் ஜேசுதாஸ், எஸ்.பி.பாலசுப்பிரமணியன் உள்ளிட்டோர் இந்த விருதைப் பெற்றுள்ளனர்.