என்டிஏ நடத்தும் தோ்வுகளில் குளறுபடி: வெள்ளை அறிக்கை வெளியிட பிரதமருக்கு திக்விஜய் சிங் கடிதம்

தேசிய தோ்வு முகமை நடத்தும் தோ்வுகளில் நிகழ்ந்த குளறுபடிகள் தொடா்பாக மத்திய அரசு வெள்ளை அறிக்கை வெளியிட வேண்டும் என்று பிரதமா் மோடிக்கு காங்கிரஸ் மூத்த தலைவரும், கல்விக்கான நாடாளுமன்ற நிலைக் குழுவின் தலைவருமான திக்விஜய் சிங் கடிதம் எழுதியுள்ளாா்.

அந்தக் கடிதத்தில் அவா் தெரிவித்துள்ளதாவது:

என்டிஏ நடத்திய நீட், நெட் தோ்வுகளில் குளறுபடிகள் ஏற்பட்ட நிலையில், அந்தத் தோ்வுகள் சாா்ந்து நிா்வாகத் திறன் மீது நம்பிக்கையை ஏற்படுத்த வேண்டிய அவசியமும், மாணவா்களுக்கு நீதி வழங்க வேண்டிய தேவையும் உள்ளது.

இதைக் கருத்தில் கொண்டு கடந்த 8 ஆண்டுகளில் என்டிஏ நடத்திய தோ்வுகளில் எத்தனை முறை வினாத்தாள் கசிந்து முறைகேடு நடைபெற்றது?

ஒவ்வொரு முறையும் வினாத்தாள் கசிந்து முறைகேடு நடைபெற்றபோது என்டிஏ மற்றும் புலனாய்வு முகமைகள் எடுத்த நடவடிக்கை என்ன? யாா் யாா் கைது செய்யப்பட்டனா்?

ஒவ்வொரு விசாரணையும் தற்போது எந்த நிலையில் உள்ளது? அந்த விசாரணைகள் தொடா்ந்து நடைபெறுகிா அல்லது நிறைவடைந்ததா? நீதிமன்றத்தில் புலனாய்வு முகமையால் குற்றப் பத்திரிகை தாக்கல் செய்யப்பட்டதா அல்லது வழக்கை முடித்துவைக்க கோரப்பட்டதா?

ஒருவேளை வழக்கை முடித்துவைக்க கோரப்பட்டிருந்தால், ஏன் அவ்வாறு கோரப்பட்டது?

இந்த விவகாரங்களில் குற்றஞ்சாட்டப்பட்டவா்கள் குறித்த நிலவர அறிக்கை, அவா்களுக்கு எதிராக நீதிமன்ற விசாரணை நடைபெறுகிறுதா அல்லது ஜாமீன் அளிக்கப்பட்டுள்ளதா அல்லது குற்றவாளி என்று தீா்ப்பளிக்கப்பட்டுள்ளதா உள்ளிட்ட விவரங்களுடன், அவா்களின் தற்போதைய நிலை என்னவென்பது குறித்து மத்திய அரசு வெள்ளை அறிக்கை வெளியிட வேண்டும் என்று கோரியுள்ளாா்.