தந்தையின் கட்சியில் சேர வேண்டாம்: நடிகர் விஜய்

என் தந்தை ஆரம்பித்துள்ள கட்சியில் என் ரசிகர்கள் யாரும் சேர வேண்டாம் என நடிகர் விஜய் தெரிவித்துள்ளார்.

நடிகர் விஜயின் தந்தையும் பிரபல இயக்குநருமான எஸ்.ஏ.சந்திரசேகர் வியாழக்கிழமை அகில இந்திய தளபதி விஜய் மக்கள் இயக்கம் என்ற பெயரில் கட்சி ஒன்றை தேர்தல் ஆணையத்தில் பதிவு செய்ததாக தகவல் வெளியானது. 

இதையடுத்து நடிகர் விஜய் வெளியிட்ட மறுப்பு செய்தியில்,

என் தந்தை ஆரம்பித்த கட்சியைப் பற்றி நான் அறிந்தேன். எனக்கும் அவர் ஆரம்பித்த கட்சிக்கும் எந்த தொடர்பும் இல்லை. என் ரசிகர்கள் யாரும் அந்த கட்சியில் இணைந்து பணியாற்ற வேண்டாம்.

கட்சிக்கு என் பெயரையோ, புகைப்படத்தையோ உபயோகப் படுத்தினால் சட்டப்படி நடவடிக்கை எடுக்கப்படும் என தெரிவித்துள்ளார்.

எஸ்.ஏ.சந்திரசேகர் அரசியல் கட்சி தொடங்கியது தமிழக அரசியலில் பரபரப்பைக் கிளப்பியுள்ளது.