சேவாக் ஆட்டத்தை மயங்க்கிடம் எதிர்பார்க்கிறோம்:  பயிற்சியாளர் இர்பான் சேட்

சேவாக் ஆட்டத்தை மயங்க் அகர்வாலிடம் எதிர்பார்க்கிறோம் என அவரது பயிற்சியாளர் இர்பான் சேட் கூறியுள்ளார்.
மெல்போர்ன் டெஸ்ட் இந்திய அணியில் மயங்க் அகர்வால் சேர்க்கப்பட்டுள்ளார். அவர் அறிமுகத்திலேயே தொடக்க வீரராக களமிறங்குகிறார். இந்நிலையில் அவரது பயிற்சியாளர் இர்பான் கூறியதாவது:
வீரேந்திர சேவாக்கைப் போன்ற தன்மைகள் அனைத்தும் மயங்க்கிடம் காணப்படுகின்றன. ஆனால் அவரைப் போல் விக்கெட்டை அலட்சியமாக பறிகொடுக்க மாட்டார் அகர்வால்.
மெல்போர்ன் ஆட்டத்தில் சேவாக்கை போல் ஆக்ரோஷமான ஆட்டத்தை அவரிடம் எதிர்பார்த்துள்ளேன். மயங்க் மைதானத்தில் கவனமுடன் தீவிரமாக ஆடும் போக்குடையவர். தொடக்க வீரருக்கான தகுதிகளும்அவரிடம் உள்ளன.