கால்கள் கொஞ்சம் நீளம்...

அமெரிக்காவில் ஒரு பெண் கால்கள் நீளமாக இருப்பதனால் கின்னஸ் சாதனைப் புத்தகத்தில் இடம் பெற்றுள்ளார். ஸ்வெட்லானா பனரடோவா என்ற அந்த 42 வயது பெண்மணியின் கால்கள் மட்டும் 4 அடி 4 அங்குலம். மிக நீண்ட கால்களுக்குச் சொந்தக்காரர் என்ற பெருமையை அவர் பெற்றுள்ளபோதிலும், உலகில் உயரமான பெண்மணி அவர் இல்லை.

கால்கள் மட்டுமே அவருக்கு நீளம். அவரது மொத்த உயரம் 6 அடி 5 அங்குலம். அமெரிக்காவில் வசித்து வந்தாலும் அவர் ரஷியப் பெண். மேற்படிப்புக்காக அமெரிக்கா வந்த அவர், அங்கேயே திருமணம் செய்துகொண்டு "செட்டில்' ஆகிவிட்டார்.

கல்லூரியில் படித்தபோது சிறந்த கூடைப்பந்து வீராங்கனையாகத் திகழ்ந்தார். பள்ளியிலும்,வெர்ஜீனியா காமன்வெல்த் பல்கலைக்கழகத்திலும் கூடைப்பந்து விளையாட்டில் அவர் எட்டிய சாதனைகள் இப்போது வரை முறியடிக்கப்படவில்லை. இப்போது அங்குள்ள பள்ளியில் கூடைப்பந்து பயிற்சியாளராக இருக்கிறார்.

தனது நீண்ட கால்களை மற்றவர்கள் வித்தியாசமாகப் பார்த்துச் செல்வது சிறிது அசெüகர்யமாக இருக்கிறது என்றாலும், கடவுள் கொடுத்த வரம் என்று பெருமைப்பட்டுக் கொள்கிறார் ஸ்வெட்லானா.