ஆர்.எஸ்.எஸ். தலைவர் மோகன் பாகவத் சென்னை வருகை

ஆர்.எஸ்.எஸ். அகில இந்தியத் தலைவர் டாக்டர் மோகன் பாகவத் இரண்டு நாள் பயணமாக புதன்கிழமை சென்னை வந்தார்.

கடந்த ஒரு வாரமாக மதுரையில் தங்கியிருந்த அவர், தமிழகம் மற்றும் கேரள மாநில ஆர்.எஸ்.எஸ். நிர்வாகிகள் கூட்டத்தில் பங்கேற்றார். முக்கியப் பிரமுகர்களையும் சந்தித்துப் பேசினார்.

மதுரையில் இருந்து புதன்கிழமை சென்னை வருகை தந்துள்ள அவர், முக்கியப் பிரமுகர்களை தனிப்பட்ட முறையில் சந்தித்துப் பேச இருப்பதாக ஆர்.எஸ்.எஸ். நிர்வாகிகள் தெரிவித்தனர்.

இல. கணேசனுடன் சந்திப்பு... பாஜக மூத்த தலைவர் இல. கணேசனை அவரது இல்லத்தில் மோகன் பாகவத் சந்தித்துப் பேசினார். ஆர்.எஸ்.எஸ். அமைப்பின் தமிழக - கேரள மாநில அமைப்பாளர் ஸ்தாணுமாலையன், தமிழக அமைப்பாளர் பக்தவத்சலம் ஆகியோர் உடனிருந்தனர்.