தங்கம் விலை சவரனுக்கு ரூ. 1,600 உயர்வு! வெள்ளி கிலோ ரூ. 10,000 உயர்ந்தது!

சென்னையில் தங்கத்தின் விலை இன்று(ஏப். 30) காலை மாற்றமின்றி இருந்த நிலையில் மாலை சவரனுக்கு ரூ. 1,600 உயர்ந்தது.

கடந்த வாரம் தொடக்கம் முதலே தங்கத்தின் விலை தொடர்ந்து குறைந்து வருகிறது. இடையே ஓரிரு நாள்கள் மட்டும் உயர்ந்தது.

இதையடுத்து, நேற்று முன்தினம் சவரனுக்கு ரூ. 1,040, நேற்று(புதன்) சவரனுக்கு ரூ. 1,200 குறைந்த நிலையில் இன்று காலை தங்கம் விலை மாற்றமின்றி இருந்தது.

இந்நிலையில் இன்று(ஏப் 30, வியாழக்கிழமை) மாலை சவரனுக்கு ரூ. 1,600 உயர்ந்து ஒரு சவரன் ரூ. 1,12,800-க்கு விற்பனை செய்யப்படுகிறது. ஒரு கிராம் ரூ. 200 உயர்ந்து ரூ. 14,100-க்கும் விற்பனையாகிறது.

வெள்ளி விலையும் இன்று காலை மாற்றமின்றி இருந்த நிலையில் மாலை கிலோவுக்கு ரூ. 10,000 உயர்ந்துள்ளது.

ஒரு கிராம் வெள்ளி ரூ. 10 உயர்ந்து ரூ. 270-க்கும், ஒரு கிலோ (கட்டி வெள்ளி) ரூ. 2.70 லட்சத்துக்கும் விற்பனையாகிறது.