பாடியநல்லூர் மெட்ரிக் பள்ளி 100 சதவீத தேர்ச்ச

பாடியநல்லூர் எம்.ஏ.நகர் வ.உ.சி. தெருவில் உள்ள சில்ரன்ஸ் பேரடைஸ் மெட்ரிக் பள்ளி 100 சதவீத தேர்ச்சி பெற்றுள்ளது. தேர்வு எழுதிய 76 பேரும் தேர்ச்சிப் பெற்றனர்.

இதில் ஆர்.வெங்கட்ராஜ் கோபால் 495 மதிப்பெண்கள் எடுத்து மாநில அளவில் 4-வது இடமும், மாவட்ட அளவில் 3-வது இடமும் பெற்றுள்ளது.

491 மதிப்பெண்கள் எடுத்த எஸ்.கிருஷ்ணவேணி இரண்டாவது இடமும், 490 மதிப்பெண்கள் பெற்ற எஸ்.ஆகாஷ்ராஜ் மூன்றாவது இடமும் பெற்றனர்.

இப்பள்ளியில் ஆகாஷ்ராஜ், ஞானேஸ்வரி, பவிஜா, பவித்ரா, பிரியதர்ஷினி, சகாயமேரி, சகானாதேவி, சண்முகபிரியா, சியாமளாதேவி ஆகிய 9 பேர் தமிழ் பாடத்தில் 100-க்கு 99 மதிப்பெண்கள் எடுத்துள்ளனர்.

அறிவியலில் 16 பேரும், கணிதத்தில் இருவரும், சமூக அறிவியலில் இருவரும் 100 மதிப்பெண்கள் எடுத்தனர்.

இப்பள்ளி தொடர்ந்து 5 ஆண்டுகளாக 100 சதவீத தேர்ச்சி அளித்து வருகிறது.

எம்.ஏ.நகர் ஆல்பா மெட்ரிக் பள்ளியில் தேர்வு எழுதிய 91 பேரும் தேர்ச்சிப் பெற்றனர். 488 மதிப்பெண்கள் எடுத்த புகழாம்பிகை முதலிடமும், 486 மதிப்பெண்கள் எடுத்த தீபக் இரண்டாம் இடமும், 485 மதிப்பெண்கள் எடுத்த நந்தினி மூன்றாவது இடமும் பிடித்தனர். கணிதத்தில் 8 பேர், அறிவியலில் 5 பேர், சமூக அறிவியலில் 4 பேர் என 17 பேர் 100 மதிப்பெண்கள் பெற்றனர். இப்பள்ளி 100 சதவீத தேர்ச்சி பெற்றுள்ளது.