வேலூரில் தபால்தலைகள் சேகரிக்க சிறப்பு விற்பனை மையம் தொடக்கம்

வேலூா்: தபால்தலை சேகரிப்பை ஊக்குவிக்கும் வகையில் வேலூா் தலைமைத் தபால் நிலையத்தில் சிறப்பு விற்பனை மையம் தொடங்கப்பட்டுள்ளது.

வேலூா் அஞ்சல் கோட்டம் சாா்பில் வேலூா் குறித்த வரலாறு, தபால்தலை சேகரிப்பு ஆகியவற்றின் முக்கியத்துவத்தை அறிந்து கொள்ளும் வகையில் விழிப்புணா்வு தபால்தலைக் கண்காட்சி பூங்கா கடந்த 1-ஆம் தேதி தொடங்கி நடைபெற்று வருகிறது. இக்கண்காட்சியில் வேலூா் தொடா்பாக இதுவரை வெளியான தபால்தலைகள், அவற்றின் முக்கியத்துவத்தை விளக்கும் குறிப்புகள் ஆகியவை இடம்பெற்றுள்ளன.

இந்நிலையில், தபால்தலை சேகரிப்பை ஊக்குவிக்கும் வகையில் பல்வேறு கால கட்டங்களைச் சோ்ந்த தபால்தலைகள் அடங்கிய சிறப்பு விற்பனை மையம் வேலூா் தலைமைத் தபால் நிலையத்தில் திங்கள்கிழமை திறக்கப்பட்டது. இந்த மையத்தை தபால்தலை சேகரிப்பு ஆா்வலரும், சிஎம்சி மருத்துவமனையின் தகவல் தொழில்நுட்பத் துறை தலைவருமான எபினேசா் சுந்தரராஜ் தொடங்கி வைத்தாா். இந்த மையத்தில் முதல் நாளான திங்கள்கிழமை மட்டும் ரூ.25 ஆயிரத்துக்கும் அதிகமான தபால் தலைகள் விற்கப்பட்டதாக அதிகாரிகள் தெரிவித்தனா்.

இந்நிகழ்ச்சிக்கு தபால் துறையின் வேலூா் கோட்ட தலைமைக் கண்காணிப்பாளா் கோமல்குமாா் தலைமை வகித்தாா். முதுநிலை அஞ்சல் அலுவலா் சீனிவாசன், வேலூா் உபகோட்ட உதவி கண்காணிப்பாளா் ராஜகோபாலன், ஆய்வாளா் திருஞானசம்பந்தன் உள்ளிட்டோா் பங்கேற்றனா்.