எனக்கு நீண்ட நாள்களாக மூல நோய் உள்ளது. அறுவை சிகிச்சை செய்து கொள்ளலாமா? ஆயுள் எவ்வாறு உள்ளது? எந்த கடவுளை வணங்க வேண்டும்? - சுப்பிரமணியன், மதுரை 

உங்களுக்கு துலாம் லக்னம். தற்சமயம் குடும்ப ஸ்தானத்தில் அமர்ந்திருக்கும் லக்னாதிபதியான சுக்கிரபகவானின் தசையில் பிற்பகுதி நடக்கிறது. இந்த காலகட்டத்தில் அடுத்த ஆண்டு மார்ச் மாதத்திற்குப்பிறகு அனுகூலமான திருப்பங்கள் உண்டாகத் தொடங்கும். உடல் ஆரோக்கியமும் பொருளாதாரமும் சீரடைந்து விடும். சனிபகவான் யோககாரகராகி குருபகவானுடன் இணைந்திருப்பதால் தீர்க்காயுள் உண்டு. பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.