பிரதோஷமும் நந்தியும்

 ஞாயிற்றுக்கிழமை வரும் பிரதோஷத்தில் நந்தியையும் நாயகனாம் சிவபெருமானையும் வழிபட்டு வந்தால் மங்கல நிகழ்ச்சிகள் மனையில் நடைபெற வழி பிறக்கும். சுபகாரியங்கள் நடைபெறும்.

 திங்கள்கிழமை வரும் பிரதோஷத்தில் வழிபட்டால் மனச்சஞ்சலங்கள் நீங்கி, மன அமைதி கிடைக்கும். நல்லெண்ணங்கள் உருவாகும்.

 செவ்வாய்க்கிழமை வரும் பிரதோஷத்தில் வழிபட்டால் உணவுப்பற்றாக்குறை அகலும். உத்தியோக வாய்ப்பும் உதிரி வருமானங்களும் பெருகும்.

 புதன் கிழமை வரும் பிரதோஷத்தில் வழிபட்டால் புத்திர விருத்தியும் ஆண் சந்தான பாக்கியமும் கிட்டும். 

 வியாழக்கிழமை வரும் பிரதோஷத்தில் வழிபட்டால் படிப்புத் தடை அகலும். கல்வி ஞானம் பெருகும். மதிநுட்பத்தினால் மகத்துவம் காண்பீர்கள்.

 வெள்ளிக்கிழமை வரும் பிரதோஷ வழிபாட்டினால் பகை விலகும். பாசம் கூடும். உறவினர்களின் ஒத்துழைப்பு கிடைக்கும்.

 சனிக்கிழமை வரும் பிரதோஷ வழிபாட்டினால் சகல பாக்கியங்களும் கிடைக்கும்.

 எல்லா பிரதோஷங்களிலும் வழிபாடு செய்வது இனிமையான வாழ்க்கையை ஏற்படுத்தி தரும். நல்ல வாழ்க்கை அமைய நந்தியை நாடுவது நல்லது.

 பிரதோஷத்தன்று நந்தியை வழிபட்டால் நலன்களும் வளங்களும் கிடைக்கும். பதினோறு பிரதோஷங்கள் தொடர்ந்து பூஜிப்பவர்களுக்கு சகல யோகங்களும் வந்து சேரும். 

 எட்டு பிரதோஷங்கள் தொடர்ந்து விரதமிருந்து நந்திபெருமானை வழிபடுவதன் மூலம் மறுபிறவி இல்லை என்பர்.

 எனவே, பெருமை மிகுந்த பிரதோஷ நாளை மனதில் பதித்துக்கொண்டு வழிபடுவதால் வியக்கும் விதத்தில் வாழ்க்கை அமையும்.