ப்ரியா பவானி சங்கர் கதாநாயகியாக அறிமுகமாகும் ‘மேயாத மான்’: நவம்பர் 17 அன்று வெளியீடு!

புதுமுக இயக்குநர் ரத்தினகுமார் இயக்கத்தில் உருவாகியுள்ள மேயாத மான் படத்தில் வைபவ், ப்ரியா பவானி சங்கர் நடித்துள்ளார்கள். இசை - சந்தோஷ் நாராயணன் மற்றும் பிரதீப் குமார்.

கல்யாணம் முதல் காதல் வரை தொலைக்காட்சித் தொடர் மூலமாக அதிகக் கவனம் பெற்ற நடிகை ப்ரியா பவானி சங்கர், தமிழ் சினிமாவில் கதாநாயகியாக அறிமுகமாகியுள்ள மேயாத மான் படம், நவம்பர் 17 அன்று வெளிவரவுள்ளதாக அறிவிக்கப்பட்டுள்ளது. 

புதிய தலைமுறை தொலைக்காட்சியில் செய்தி வாசிப்பாளராக இருந்த ப்ரியா, பிறகு விஜய் தொலைக்காட்சியின் கல்யாணம் முதல் காதல் வரை நாடகத்தில் நடித்துப் புகழ் பெற்றார். பட வாய்ப்புகளை தொடர்ந்து மறுத்துவந்த ப்ரியா, தற்போது இயக்குநர் கார்த்திக் சுப்புராஜ் தயாரிப்பில் கதாநாயகியாக அறிமுகமாகிறார்.