ஜிமிக்கி கம்மல் ஸ்டைலில் வைரல் ஹிட்டாகும் சமந்தாவின்  ‘ரங்கம்மா மங்கம்மா’!

சமந்தா, ராம்சரண் தேஜா நடிப்பில் மார்ச் 30 ஆம் தேதி இந்தியாவெங்கும் வெளியாகவிருக்கும் திரைப்படம் ‘ரங்கஸ்தலம்’. இப்படத்தின் இயக்குனர் சுகுமார். இசையமைப்பாளர் தேவி ஸ்ரீபிரசாத், மைத்ரி மூவி மேக்கர்ஸ் தயாரிப்பில் உருவாகியுள்ள இத்திரைப்படத்தில் இடம்பெற்றுள்ள ‘ரங்கம்மா, மங்கம்மா’ பாடல் சில மாதங்களுக்கு முன்பு இணையத்தில் வைரல் ஹிட்டான ஜிமிக்கி கம்மல் பாடலுக்கு இணையாகத் தற்போது இணையத்தில் பலரால் பார்த்து ரசிக்கப்பட்டு பலமுறை பகிரப்பட்டு வருகிறது.  இத்திரைப்படம் 1980 களில் நடந்த சம்பவங்களை அடிப்படையாகக் கொண்டு வெளிவரும் பீரியட் திரைப்படங்களில் ஒன்று என்றொரு தகவலிருக்கிறது. அது உண்மையா? வதந்தியா? எனப் படம் வெளிவந்தால் தெரியும்.

ரங்கஸ்தலத்தின் வைரல் ஹிட் ‘ரங்கம்மா, மங்கம்மா’ பாடல் டீஸர்;

இத்திரைப்படத்தின் நாயகன் சிட்டி பாபுவாக ராம்சரண் தேஜா நடிப்பில் பின்னி எடுத்திருக்கிறார் என நாயகி சமந்தா தெலுங்கு நேர்காணலொன்றில் சமீபத்தில் காண நேர்ந்தது. சமந்தாவுக்கு இத்திரைப்படத்தில் ராமலட்சுமி எனும் கிராமத்துப் பெண் வேடம். சமந்தாவை இதுவரை நாம் நகர்ப்புறத்து பப்ளி துறு துறு பெண் வேடங்களில் தான் கண்டிருப்போம். ஆனால், இத்திரைப்படத்தில் சமந்தா முற்றுலுமாக ராமலட்சுமியாகவே மாறி முழு அர்ப்பணிப்புடன் நடித்திருக்கிறாராம். படத்தின் பலமாக இயக்குனர் கருதுவது ராமலட்சுமி கதாபாத்திரத்தைத் தான். திருமணத்திற்குப் பின் சமந்தா நடிப்பில் வெளிவரவிருக்கும் முதல் திரைப்படம் என்ற பெருமையும் இத்திரைப்படத்துக்கு உண்டு. தெலுங்கில் ‘ஏ மாய சேஸாவே’ (தமிழ் விண்ணைத் தாண்டி வருவாயா’ வின் தெலுங்கு ரீமேக்’) திரைப்படத்தைத் தொடர்ந்து மனம், ஈகா (ஈ) திரைப்படங்களைத் தொடர்ந்து தனது நடைப்புத் திறனை வெளிக்கொணர வாய்ப்பளித்த திரைப்படங்களில் ரங்கஸ்தலமும் ஒன்று. இது எனது அதிர்ஷ்டம் என்று இத்திரைப்படம் குறித்து ஸ்மைலி பேட்டிகளைத் தட்டி விட்டு மகிழ்ந்து கொண்டிருக்கிறார் சமந்தா.

ஹாட்ஸ் ஆப் டு யூ புதுமருமகளே!