பொன்ராம் இயக்கத்தில் வருத்தப்படாத வாலிபர் சங்கம், ரஜினிமுருகன் ஆகிய படங்களில் நடித்த சிவகார்த்திகேயன் மீண்டும் அவருடைய இயக்கத்தில் நடித்துள்ள படம் - சீமராஜா. இந்தப் படத்தில் சிவகார்த்திகேயன், சமந்தா, சூரி, நெப்போலியன், சிம்ரன் உள்ளிட்ட பலர் நடித்துள்ளார்கள். இசை - இமான், ஒளிப்பதிவு - பாலசுப்ரமணியம், பாடல்கள் - யுகபாரதி. 24ஏஎம் ஸ்டுடியோஸ் தயாரிப்பில் உருவாக்கப்பட்டுள்ள இப்படத்தின் தொலைக்காட்சி உரிமையை சன் டிவி பெற்றுள்ளது.
தமிழகமெங்கும் 500க்கும் அதிகமான திரையரங்குகளில் இன்று வெளியாகியுள்ள இந்தப் படத்துக்கு பல்வேறு விதமான விமரிசனங்கள் வெளிவந்துள்ளன. சமூகவலைத்தளங்களில் படத்துக்கு ஆதரவான விமரிசனங்களைச் சிலர் அளித்தாலும் பெரும்பாலான ரசிகர்களும் விமரிசகர்களும் படம் எதிர்பார்த்ததுபோல இல்லை என்கிற கருத்துகளை வெளிப்படுத்தியுள்ளார்கள். அவற்றின் தொகுப்பு: