நீ தானே... நீ தானே...: அட்லி பிறந்தநாளுக்கு ப்ரியா உருக்கமான வாழ்த்து! (படங்கள்)

ராஜா ராணி, தெறி, மெர்சல்... என தொடர்ச்சியாக வெற்றிப் படங்களை இயக்கியுள்ள இயக்குநர் அட்லி தனது பிறந்தநாளை இன்று கொண்டாடி வருகிறார்.

அவருடைய மனைவியும் நடிகையுமான ப்ரியா, ட்விட்டரில் தனது காதல் கணவருக்கு வாழ்த்து தெரிவித்ததாவது:

உங்களிடமுள்ள அனைத்து விஷயங்களையும் நான் வியக்கிறேன். உங்களை விடவும் ஒரு சிறந்த நண்பன் கிடையாது. உங்களை விடவும் ஒரு சிறந்த கணவர் கிடையாது. உங்களை விடவும் ஒரு சிறந்த மகன் கிடையாது. உங்களை விடவும் ஒரு சிறந்த மருமகன் கிடையாது. நான் வியக்கும் மனிதருடன் வாழ்க்கையைப் பகிர்ந்துகொண்டு அவருடன் இருப்பதை ஆசிர்வாதமாகக் கருதுகிறேன். என் அனைத்துமாக உள்ளவருக்கு இனிய பிறந்தநாள் வாழ்த்துகள் என்று உருக்கமாக வாழ்த்தியுள்ளார்.