சிம்புவின் தம்பி குறளரசனுக்குக் காதல் திருமணம்: இஸ்லாமியப் பெண்ணை மணக்கிறார்

நடிகரும் இயக்குநருமான டி. ராஜேந்தரின் இளைய மகன் குறளரசன், தனது சகோதரர் சிம்பு நடித்த இது நம்ம ஆளு படத்தின் மூலமாக இசையமைப்பாளராக அறிமுகமானார். 

இந்நிலையில் குறளரசனுக்குத் திருமணம் நிச்சயமாகியுள்ளது. நபீலா அஹமது என்கிற இஸ்லாமியப் பெண்ணை அவர் மணக்கவுள்ளார். குறளரசன் - நபீலா திருமண வரவேற்பு, வருகிற 29-ம் தேதி சென்னை ஐடிசி கிராண்ட் சோழா ஹோட்டலில் மாலை 7 மணிக்கு நடைபெறவுள்ளது. ரஜினி, விஜய்காந்த் உள்ளிட்ட பிரபலங்களுக்கு டி.ராஜேந்தர் திருமண அழைப்பிதழை நேரில் வழங்கி வருகிறார்.