சன் டிவியில் ‘பேட்ட’: தமிழ்ப் புத்தாண்டுத் தினத்தன்று ஒளிபரப்பு!

நேற்று, ஜீ தமிழ் தொலைக்காட்சியில் ரஜினி நடித்த 2.0 படம் ஒளிபரப்பான நிலையில், வரும் ஞாயிறன்று அதாவது தமிழ்ப் புத்தாண்டுத் தினத்தன்று ரஜினி நடித்த பேட்ட படம் ஒளிபரப்பாகவுள்ளது.

கார்த்திக் சுப்புராஜ் இயக்கத்தில் ரஜினி நடித்த பேட்ட படத்தை சன் பிக்சர்ஸ் தயாரித்தது. விஜய் சேதுபதி, சிம்ரன், த்ரிஷா, சசிகுமார், நவாசுதீன் சித்திக் போன்றோரும் இப்படத்தில் முக்கிய வேடங்களில் நடித்தார்கள். இசை - அனிருத்.

கடந்த ஜனவரி 10 அன்று வெளியான பேட்ட படம் தற்போது சன் டிவியில் தமிழ்ப் புத்தாண்டுத் தினத்தன்று (ஏப்ரல் 14) மாலை 6.30 மணிக்கு ஒளிபரப்பாகவுள்ளது. இதற்கான அறிவிப்பு வெளியாகியுள்ளது.