எங்களுக்கு இப்படி நடிக்கத்தான் பிடிச்சிருக்கு! குறை சொன்னவர்களை விளாசிய தாப்ஸி!

இந்தியாவில் பெரிதும் கொண்டாடப்படும் பண்டிகையான தீபாவளி அன்று சில ஹிந்திப் படங்களும் வெளியாகின்றன. நாகினி புகழ் மௌனி ராய் நடிப்பில் உருவாகியுள்ள படம் மேட் இன் சீனா. காமெடி ஜானரில் இப்படம் உருவாகியுள்ளது. போலவே பர்ஹாத் சாம்ஜி இயக்கத்தில் உருவாகியுள்ள படம் ஹவுஸ்புல் 4. இதுவும் காமெடி படம் என்பது குறிப்பிடத்தக்கது.

துஸ்கர் ஹிராந்தனி இயக்கத்தில் தாப்ஸி பன்னு நடிப்பில் உருவாகியுள்ள படம் சாந்த் ஹி ஆங்க். இந்தியாவின் நுண்ணிய துப்பாக்கி சுடும் வீராங்கனைகளான சந்த்ரோ தோமர் மற்றும் பிகாஷி தோமர் ஆகியோரின் வாழ்க்கை வரலாறுதான் இந்தப் படம். இரு வீராங்கனைகளின் வயதான கதாபாத்திரத்தில் தாப்ஸி பன்னு மற்றும் பூமி பட்நேகர் நடித்து வருகிறார்கள்.

‘வயதான பாத்திரங்களுக்கு வயதான நடிகைகளை நடிக்க வைத்தால் பொருத்தமாக இருக்குமே' என்று சில வயதான பாலிவுட் நடிகைகள் அதிருப்தி தெரிவித்துள்ளனர். 'இளம் நடிகைகள் வயதான பாத்திரத்தில் நடிப்பதில் என்ன தவறு, எங்கள் நடிப்புத் திறமையை வெளிப்படுத்த எங்களுக்கு வாய்ப்பு கிடைத்துள்ளது. இந்தக் கதை பிடித்திருப்பதால் நடிக்கிறோம்.

இப்படி குறை சொல்வதை முதலில் நிறுத்துங்கள்' என்று அதிருப்தி தெரிவித்த நடிகைகளை சாடியுள்ளார் தாப்ஸி பன்னு.