விக்ரமின் 54-வது பிறந்தநாள்: விடியோ வெளியிட்ட மகன் துருவ்

நடிகர் விக்ரம் இன்று தனது 54-வது பிறந்தநாளைக் கொண்டாடுகிறார்.

இதுதொடர்பாக அவருடைய மகன் துருவ் விக்ரம், விடியோ ஒன்றை வெளியிட்டுள்ளார். விக்ரமின் வாழ்க்கைப் பயணத்தை வெளிப்படுத்துவதாக அந்த விடியோ அமைந்துள்ளது.

கடந்த வருடம் வெளியான ஆதித்ய வர்மா படத்தின் மூலம் நடிகராக அறிமுகமாகியுள்ளார் துருவ். இதற்காக தன்னுடைய தந்தை நன்றி தெரிவித்துள்ளார். ஒரு மனிதரின் சோர்வில்லா உழைப்பினால் தான் பல சிக்கல்களைத் தாண்டி இந்தப் படம் வெளியானது. அப்பா, உங்களால் தான் பல லட்சம் பேரிடம் நான் அறிமுகமாகியுள்ளேன். நம்பிக்கையை நான் இழந்தபோது அவர்தான் எனக்குப் பாதையைக் காட்டினார். உன் மீது நீயே நம்பிக்கை கொள்ளாமல், முயற்சியை கைவிடும் இடத்தில் வாழ்க்கை உன்னைத் தள்ளும். ஆனால் தொடர்ந்து முயற்சி செய்யும்போது எதுவும் சாத்தியமாகும் என்றார். ஆதித்ய வர்மா படம் உங்களால் தான் வெளியானது. ஆதித்யா கதாபாத்திரத்தின் மூலம் நீங்கள் தான் எனக்கு வாழ்க்கை கொடுத்தீர்கள். உங்கள் கனவு தான் இன்று இந்த இடத்தில் என்னை நிற்கவைத்துள்ளது. உங்கள் கனவு நிறைவேற நான் பாடுபடுவேன். உங்களைப் போல சாதனையாளராக என்னால் மாற முடியாது. ஆனால் இதைப் பெருமையுடன் நான் சொல்வேன் என்றார்.