செய்தி மடல்
இ-பேப்பர்
சூர்யாவின் 'ஜெய் பீம்' படம் அமேசான் பிரைம் தளத்தில் வெளியாகி தமிழகத்தை தாண்டி இந்திய அளவில் நல்ல வரவேற்பைப் பெற்று வருகிறது. பல்வேறு மொழி பிரபலங்கள் 'ஜெய் பீம்' படத்தைப் பாராட்டி கருத்து தெரிவித்து வருகின்றனர்.
இந்தப் படத்தில் ஒரு குறிப்பிட்ட சமூகத்தை சார்ந்த சின்னம் தவறாக பயன்படுத்தப்பட்டிருப்பதாக விமர்சனங்கள் எழுந்தது. இதனயைடுத்து அந்த சின்னம் படத்தில் இருந்து மாற்றப்பட்டது. நாடாளுமன்ற உறுப்பினர் அன்புமணி ராமதாஸ் படக்குழுவைக் கண்டித்து அறிக்கை வெளியிட்டிருந்தார். அதற்கு பதிலளித்த நடிகர் சூர்யா, எந்தவொரு சமுகத்தையும் அவமதிக்கும் நோக்கம் தனக்கு இல்லை என்று விளக்கமளித்திருந்தார்.
இதையும் படிக்க | ’ஸ்பைடர் மேன் - நோ வே ஹோம்' டிரைலர் வெளியானது
இதனயைடுத்து நடிகர் சூர்யாவுக்கு ஆதரவாக வி ஸ்டேண்ட் வித் சூர்யா என்ற ஹேஷ்டேக் இந்திய அளவில் டிரெண்டானது. திரையுலக மற்றும் அரசியல் பிரபலங்கள் அவருக்கு ஆதரவாய் கருத்து தெரிவித்தனர். இயக்குநர் வெற்றிமாறன், சமூக நீதியை விரும்பாதவர்களுக்கு இத்தகைய திரைப்படங்கள் ஒருவத பதற்றத்தை ஏற்படுத்தவது இயல்பே என்று சூர்யாவுக்கு ஆதரவாய் கருத்து தெரிவித்திருந்தார்.
இந்த நிலையில் நடிகர் சந்தானம் தனது 'சபாபதி' படத்தின் நிகழ்ச்சியில், ''இந்து மதத்தை உயர்த்தி காட்டுங்கள். உங்களுடைய கருத்தை உயர்த்தி காட்டுங்கள். அது பிரச்னையில்லை. ஆனால் அடுத்தவர்களை தாழ்த்திக் காட்டாதீர்கள். 'ஜெய் பீம்' படத்துக்காக அல்ல. பொதுவாகவே இந்துமதம் நல்லதென்றால் அதை உயர்த்தி பேசலாம். மற்ற மதங்களை தாழ்த்தி பேசாதீர்கள்.
சினிமா என்பது 2 மணி நேரம் அனைத்து சாதி மதத்தினரும் தங்கள் கவலைகளை மறந்து ஒரு படத்தை பார்க்க வருகிறார்கள். அவர்களுக்கு விருந்தாக அந்தப் படம் இருக்க வேண்டும். அதனால் இங்கே அது தேவையில்லாத விஷயம். ஒரு படத்தை பார்க்காமல் விமர்சனம் செய்வதும் தவறு'' என்றார்.
இதனையடுத்து நடிகர் சந்தானம் 'ஜெய் பீம்' படத்துக்கு எதிராக பேசி விட்டதாக சாதி வெறியன் சந்தானம் என்ற ஹேஷ்டேக் டிரெண்டாகி வருகிறது. மற்றொரு புறம் அவருக்கு ஆதரவாக ஐ ஸ்டேன்ட் வித் சந்தானம் என்ற ஹேஷ்டேக் மூலம் அவருக்கு ஆதரவாக ரசிகர்கள் கருத்து தெரிவித்து வருகின்றனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
