ரஜினிகாந்த்தின் 'அண்ணாத்த' டிரெய்லர் : சன் பிக்சர்ஸ் அதிரடி அறிவிப்பு !

நடிகர் ரஜினிகாந்த் நடித்துள்ள அண்ணாத்த படத்தின் டீசர் சமீபத்தில் வெளியாகி மாபெரும் வரவேற்பைப் பெற்றது. இந்த நிலையில் இந்தப் படத்தின் டிரெய்லர் நாளை (அக்டோபர் 27) மாலை 6 மணிக்கு வெளியாகவுள்ளதாக சன் பிக்சர்ஸ் நிறுவனம் அறிவித்துள்ளது. 

இதையும் படிக்க | நடிகர் சிம்பு மற்றும் அவரது குடும்பத்தினர் மீது காவல் ஆணையரிடம் புகார்

சிவா இயக்கத்தில் உருவாகியுள்ள இந்தப் படத்தில் ரஜினிகாந்த்துக்கு ஜோடியாக நயன்தாரா நடித்துள்ளார். மேலும் ரஜினி காந்த்தின் தங்கையா கீர்த்தி சுரேஷ் நடித்துள்ளதாகவும், அண்ணன் தங்கை பாசத்தை அடிப்படையாகக் கொண்டு இந்தப் படம் உருவாகியுள்ளதாக கூறப்படுகிறது. 

இந்தப் படத்துக்கு டி.இமான் இசையமைக்க வெற்றி ஒளிப்பதிவு செய்துள்ளார். இந்தப் படம் தீபாவளியை முன்னிட்டு வருகிற நவம்பர் 4 ஆம் தேதி வெளியாகவுள்ளது. இந்தப் படம் ரஜினிகாந்த்துக்கு மாபெரும் வெற்றிப் படமாக அமையும் என்பது ரசிகர்களின் எதிர்பார்ப்பாக உள்ளது.