கரோனா பரவல் தீவிரமடைந்து வருகிற சூழலில் அனைத்து மாநிலங்களிலும் திரையரங்கம் திறக்கப்பட்டு வரும் வேளையில் தமிழகத்திலும் கடந்த மாதம் திரையரங்குகள் திறக்கப்பட்டது.
ஆனால் இந்த மாதம் (செப்டம்பர்) தான் புதுப்படங்கள் திரையரங்கில் வெளியாக இருக்கிறது. 100 படங்களுக்கு மேல் வெளியீட்டிற்கு காத்திருக்கும் நிலையில் நடிகர் விஜய் சேதுபதி நடிப்பில் உருவான 4 படங்கள் இந்த ஒரே மாதத்தில் வெளியாக இருக்கிறது.
இதையும் படிக்க | பிக் பாஸ் பட்டம் வென்ற பிரபல நடிகர் மாரடைப்பால் மரணம்
முதல் படமாக செப்-9 தேதி அன்று மறைந்த இயக்குநர் எஸ்.பி.ஜனநாதன் இயக்கத்தில் உருவான 'லாபம்' திரைப்படம் திரையரங்குகளில் வெளியாகவுள்ளது.
அதற்கடுத்து தில்லி பிரசாத் இயக்கத்தில் விஜய் சேதுபதி , பார்த்திபன் உள்ளிட்டோர் நடித்த அரசியல் படமான 'துக்ளக் தர்பார்' திரைப்படம் செப்-10 ஆம் தேதி நேரடியாக சன் தொலைக்காட்சியிலும் மறுநாள் நெட்பிளிக்ஸ் தளத்திலும் வெளியாகிறது.
பின் செப்-17 அன்று தீபக் சுந்தரராஜன் இயக்கத்தில் விஜய் சேதுபதி, தாப்ஸி, ராதிகா, யோகி பாபு உள்ளிட்ட பலர் நடித்துள்ள 'அனபெல் சேதுபதி' திரைப்படம் ஹாட்ஸ்டார் ஓடிடி தளத்தில் வெளியாக இருக்கிறது.
இறுதியாக இதே மாதம் மணிகண்டன் இயக்கத்தில் உருவான 'கடைசி விவசாயி' திரைப்படமும் திரையரங்கில் வெளியாக உள்ளது. ஆனால் வெளியீடு தேதி இன்னும் அறிவிக்கப்படவில்லை.