பிரபல மலையாள நடிகர்கள் மம்மூட்டி மற்றும் மோகன்லாலுக்கு ஐக்கிய அரபு அமீரகத்தின் சிறப்பு கடவுச்சீட்டு வழங்கப்பட்டுள்ளது.
பல்வேறு துறைகளில் சிறப்பாகப் பணியாற்றி வருபவர்களுக்கு கோல்டன் விசா என அழைக்கப்படும் சிறப்பு கடவுச்சீட்டை ஐக்கிய அரபு அமீரகம் வழங்கி வருகிறது.
இதையும் படிக்க | மெல்போர்ன் இந்திய திரைப்பட விழா - சமந்தாவிற்கு சிறந்த நடிகை விருது
இந்த கடவுச்சீட்டின் மூலம் எத்தகைய முன்நிபந்தனையுமின்றி 10 ஆண்டுகளுக்கு ஐக்கிய அரபு அமீரகத்தில் வசிக்கவும், தங்களது தொழிலை மேற்கொள்ளவும் முடியும்.
இந்நிலையில் பிரபல மலையாள நடிகர்களான மம்மூட்டி மற்றும் மோகன்லாலுக்கு சிறப்புக் கடவுச்சீட்டு வழங்கி ஐக்கிய அரபு அமீரகம் சிறப்பு செய்துள்ளது.
இதற்கு முன்னதாக நடிகர்கள் ஷாருக்கான் மற்றும் சஞ்சய் தத் ஆகியோருக்கு இந்த சிறப்புக் கடவுச்சீட்டு வழங்கப்பட்டது குறிப்பிடத்தக்கது.