பிரபல இயக்குநர் ஷங்கரின் மகள் அதிதி கதாநாயகியாக அறிமுகமாகும் படம் - விருமன்.
சூர்யா - ஜோதிகாவின் 2டி நிறுவனம் தயாரிக்கும் இப்படத்தில் கதாநாயகனாக கார்த்தி நடிக்கிறார். இயக்கம் - முத்தையா. ஒளிப்பதிவு - செல்வகுமார், இசை - யுவன் சங்கர் ராஜா.
இந்நிலையில் இப்படத்தின் பூஜை இன்று நடைபெற்றது. இயக்குநர் ஷங்கர், இயக்குநர் பாலா, நடிகர் சூர்யா போன்றோர் இந்நிகழ்வில் கலந்துகொண்டார்கள். செப்டம்பர் 18 முதல் தேனியில் படப்பிடிப்பு ஆரம்பமாகவுள்ளது.
