என்னை விட கார்த்திதான் சிறந்த நடிகர்: சூர்யா

விருமன் இசை வெளியீட்டு விழாவில் தன்னை விட கார்த்தி தான் சிறந்த நடிகர் என தேசிய விருது பெற்ற நடிகர் சூர்யா நெகிழ்ச்சியாக கூறினார். 

2டி எண்டர்டெயின்மென்ட் சார்பாக சூர்யா - ஜோதிகா இணைந்து தயாரித்துள்ள விருமன் படத்தில் கார்த்தி நாயகனாக நடித்துள்ளார். கொம்பன் படத்துக்கு பிறகு கார்த்தி மற்றும் இயக்குநர் முத்தையா இணைந்துள்ளதால் இந்தப் படத்தின் மீதான எதிர்பார்ப்பு அதிகரித்துள்ளது.

மதுரை ராஜா முத்தையா அரங்கத்தில் நடைபெற்ற இப்படத்தின் இசைவெளியீட்டு விழாவில் நடிகர்கள் கார்த்தி, சூர்யா, இயக்குநர்கள் ஷங்கர், பாரதி ராஜா, முத்தையா, மதுரை நாடாளுமன்ற உறுப்பினர் சு.வெங்கடேசன் உள்ளிட்ட பலர் கலந்து கொண்டனர். 

இதில் நடிகர் சூர்யா பேசியதாவது: 

எனக்கு தேசிய விருது கிடைத்தது. அதை நான் கொண்டாடும் முன்பு ரசிகர்கள் நீங்கள் கொண்டாடியது மகிழ்ச்சி. கார்த்தி எப்போதும் சினிமாவைப் பற்றியே நினைத்துக்கொண்டு இருப்பான். என்னை விடவும் கார்த்திதான் சிறந்த நடிகர். இதை நான் எந்த மேடையிலும் தயங்காமல் பெருமையாகவே சொல்லுவேன். இசையமைப்பாளர் யுவனும் எனக்கு தம்பிதான். இருவருக்குமே விரைவில் பல விருதுகள் கிடைக்கும். 

'6 ஆண்டுகளாக கல்யாணம் பண்ணிக்க சொல்லி வற்புறுத்தினார்' - நித்யா மேனன் அதிர்ச்சி தகவல்

கடலுக்கு அடியே 100 அடி ஆழத்தில் பேனர் வைத்த அஜித் ரசிகர்கள் - வைரலாகும் விடியோ

பாஜகவைச் சேர்ந்த சின்னத்திரை நடிகை மீது சினேகன் பரபரப்பு புகார்