பொன்னியின் செல்வன் திரைப்படத்தின் டிரைலரை தமிழக முதல்வர் ஸ்டாலின் வெளியிட உள்ளதாக தகவல் வெளியாகியுள்ளது.
மணிரத்னம் இயக்கத்தில் பிரம்மாண்டமாக உருவாகியுள்ள பொன்னியின் செல்வன் படத்தின் முதல் பாகம் வருகிற செப்டம்பர் 30 ஆம் தேதி வெளியாகிறது. படத்தை விளம்பரப்படுத்தும் பணிகளில் படக்குழுவினர் ஈடுபட்டு வருகின்றனர்.
ஏற்கனவே இந்தப் படத்தின் டீசர் மற்றும் முதல் பாடலான ‘பொன்னி நதி’ பாடல் வெளியாகி நல்ல வரவேற்பைப் பெற்ற நிலையில், படத்தின் மற்ற பாடல்கள் மட்டும் டிரைலர் வெளியீட்டை மிகப்பெரிய அளவில் நடத்த படக்குழுவினர் திட்டமிட்டுள்ளனர்.
இந்நிலையில், செப்டம்பர் 6-ஆம் தேதி நடைபெறும் ‘பொன்னியின் செல்வன்’ திரைப்படத்தின் இசை வெளியீட்டு விழாவில் தமிழக முதல்வர் மு.க.ஸ்டாலின் சிறப்பு விருந்தினராகக் கலந்துகொண்டு அப்படத்தின் டிரைலரை வெளியிடுவார் என தகவல் வெளியாகியுள்ளது.