'ஏகே 62' படத்துக்காக மீண்டும் இணையும் அஜித் குமார் - ஐஸ்வர்யா ராய்?

ஏகே 62 படத்தில் நடிகர் அஜித்குமாருக்கு ஜோடியாக நடிக்க ஐஸ்வர்யா ராயிடம் பேச்சுவார்த்தை நடைபெற்றுவருவதாக தகவல் கிடைத்துள்ளது. 

நடிகர் அஜித் தற்போது ஏகே 61 படத்தில் நடித்துவருகிறார். வினோத் இயக்கிவரும் இந்தப் படத்தில் மஞ்சு வாரியர் நாயகியாக நடிக்க, ஜிப்ரான் இந்தப் படத்துக்கு இசையமைக்கிறார்.  போனி கபூர் தயாரிக்கிறார். 

முதலில் தீபாவளிக்கு வெளியாகும் என்று கூறப்பட்ட நிலையில் தற்போது அதற்கு வாய்ப்பில்லை என தெரிகிறது.மேலும் பொங்கலுக்கு விஜய்யின் வாரிசுடன் 'ஏகே 61' திரைப்படம் வெளியாகலாம். 

இதையும் படிக்க | தொகுப்பாளராகும் நடிகர் ஜீவா - எந்த நிகழ்ச்சிக்கு தெரியுமா?

இந்த நிலையில் 'ஏகே 62' படம் குறித்து முக்கிய தகவல் கிடைத்துள்ளது. இந்தப் படத்தில் நடிகர் அஜித்தின் ஜோடியாக நடிக்க ஐஸ்வர்யா ராயிடம் பேச்சுவார்த்தை நடைபெற்றுவருகிறதாம். விரைவில் இதுகுறித்த அதிகாரப்பூர்வ தகவல் வெளியாகலாம்.

விக்னேஷ் சிவன் இயக்கும் ஏகே 62 படத்துக்கு அனிருத் இசையமைக்கிறார். லைக்கா புரொடக்சன்ஸ் நிறுவனம் இந்தப் படத்தை தயாரிக்கிறது. தற்போது விக்னேஷ் சிவன், நயன்தாராவுடன் ஸ்பெயின் நாட்டுக்கு சுற்றுலா சென்றுள்ளார்.