கேஜிஎஃப் இயக்குநருடன் இணையும் ஜூனியர் என்டிஆர்: அறிவிப்பு

ஜூனியர் என்டிஆர் பிறந்த நாளான இன்று இரு புதிய பட அறிவிப்புகள் வெளியாகியுள்ளன. 

ஜூனியர் என்டிஆர் நடிக்கும் படத்தை இயக்குகிறார் கொரடாலா சிவா. இப்படத்துக்கு இசை - அனிருத். ரத்னவேலு, சாபு சிரில், ஸ்ரீகர் பிரசாத் எனப் பல பிரபலமான தொழில்நுட்பக் கலைஞர்கள் இப்படத்தில் பணியாற்றுகிறார்கள். தெலுங்கு, தமிழ், ஹிந்தி, கன்னடம், மலையாளம் ஆகிய மொழிகளில் வெளியாகவுள்ளது. இது ஜூனியர் என்டிஆரின் 30-வது படம்.

இத்துடன் 31-வது பட அறிவிப்பும் இன்று வெளியாகியுள்ளது.

கேஜிஎஃப் படத்தின் மூலம் இந்திய அளவில் புகழடைந்துள்ள இயக்குநர் பிரஷாந்த் நீல், தற்போது பிரபாஸ் நடிக்கும் சலார் படத்தை இயக்கி வருகிறார். இதன்பிறகு கேஜிஎஃப் 3 படத்தின் படப்பிடிப்பு தொடங்கும் எனத் தயாரிப்பாளர் கூறியுள்ளார்.

இந்நிலையில் ஜூனியர் என்டிஆர் நடிக்கும் படத்தையும் இயக்கவுள்ளார் பிரஷாந்த் நீல். இருவரும் இணையும் படத்தின் முதல் போஸ்டர் இன்று வெளியாகியுள்ளது. நடிகர்கள், தொழில்நுட்பக் கலைஞர்களின் விவரங்கள் வெளியிடப்படவில்லை.

‘இரவின் நிழல்’ படத்தின் வெளியீட்டுத் தேதி அறிவிப்பு

ஜூனியர் என்டிஆர் படத்துக்கு இசையமைக்கும் அனிருத்