சிவகார்த்திகேயன் படத்தில் இணைந்த புஷ்பா பட வில்லன்!

சிவகார்த்திகேயன் நடிப்பில் உருவாகி வரும் ‘மாவீரன்’ திரைப்படத்தில் புதிதாக புஷ்பா பட வில்லன் இணைந்துள்ளார்.

சிவகார்த்திகேயன் நடித்த டான் படம் ரூ. 100 கோடி வசூலை எட்டியதைத் தொடர்ந்து அவர் அடுத்து நடித்து வரும் மாவீரன் படத்தை மடோன் அஸ்வின் இயக்குகிறார். மிஷ்கின், சரிதா, யோகிபாபு போன்றோர் நடிக்கிறார்கள். மடோன் அஸ்வின் இயக்கிய மண்டேலா படத்தில் யோகிபாபு கதாநாயகனாக நடித்தார். இந்தப் படம் தேசிய விருது வாங்கியது. விமர்சன ரீதியாகவும் நல்ல வரவேற்பினை பெற்றது குறிப்பிடத்தக்கது. 

இதையும் படிக்க | துணிவு... வாரிசு... எதற்கு அதிக திரையரங்கம்?

சமீபத்தில் வெளியான ப்ரின்ஸ் படம் எதிர்பார்த்த அளவுக்கு போகவில்லை. அதனால் சிவகார்த்திகேயன் தனது படத்தில் குறிப்பிட்ட சில காட்சிகள் வைக்க வேண்டுமென இயக்குநர் மடோன் அஸ்வினுடன் கூறியதாகவும், இதனால் கருத்து வேறுபாடு ஏற்பட்டுள்ளதாகவும் தகவல்கள் வெளியாகின. ஆனால், படக்குழு அத்தகவலை மறுத்தனர். 

இந்நிலையில்,  புஷ்பா திரைப்படத்தில் வில்லனாக மிரட்டிய சுனில் இப்படத்தில் இணைய உள்ளார். தெலுங்கில் பிரபல காமெடினான சுனில், நாயகனாக சில படங்களில் நடித்தார். தற்போது, குணசித்தர வேடங்களில் கலக்கி வருகிறார்.