லோகேஷ் சினிமாடிக் யுனிவர்சில் ‘தளபதி 67’?: வெளியான புதிய தகவல்!

விக்ரம் படத்தின் மாபெரும் வெற்றிக்கு பிறகு இயக்குநர் லோகேஷ் கனகராஜ் அடுத்ததாக தளபதி 67 படத்தின் முன் தயாரிப்பு பணிகளில் ஈடுபட்டுவருகிறார். இந்தப் படத்தின் படப்பிடிப்பு டிசம்பர் மாதம் துவங்கும் என்று கூறப்படுகிறது. 7 ஸ்க்ரீன் ஸ்டுடியோஸ் தயாரிக்கும் இந்தப் படத்துக்கு அனிருத் இசையமைக்கிறார். 

முன்னதாக, இந்தப் படத்தில் காதல் காட்சிகள், பாடல்கள் எதுவும் இல்லாமல் கைதி படம் போன்று முழுக்க முழுக்க ஆக்சன் படமாக இருக்கும் என தகவல் வெளியாகியிருந்தது. காதல் காட்சிகள், பாடல்கள் இல்லாமல் வெளியாகும் முதல் விஜய் படமாக தளபதி 67 இருக்கப்போகிறது. 

லோகேஷ் சினிமாடிக் யுனிவர்ஸில் தளபதி 67 படம் இருக்கும் என நடிகர் நரேன் கூறியதாக தற்போது சமூக வலைதளங்களில் தகவல்கள் வெளியாகியுள்ளது. மேலும் கைதி-2 படத்தில் நரேன் நடிக்க இருப்பதாகவும் விஜய் படத்தில் நடிக்கமாட்டேன் எனவும் அவர் தெரிவித்துள்ளார். 

விக்ரம் கமல், ரோலக்ஸ் சூர்யா ஆகியோருடன் விஜய் இணைந்து நடிப்பாரா என ரசிகர்கள் கேள்வி எழுப்பியுள்ளனர். 

இதனால் விஜய் ரசிகர்களும் லோகேஷ் கனகராஜ் ரசிகர்களும் சமூகவலைதளத்தில் ‘எல்.சி.யூ’, ‘தளபதி 67’ என ட்ரெண்ட் செய்து வருகின்றனர். 

பனையூரில் நடிகர் விஜய்: ரசிகர்களை சந்திக்க காரணம் என்ன?

த்ரிஷா பகிர்ந்த முத்தக் காட்சி: வைரல் விடியோ

ட்விட்டரில் இணைந்த மூத்த இசையமைப்பாளர்!

மாரி செல்வராஜின் அடுத்த படம் குறித்த அறிவிப்பு!

‘அன்பான ரசிகர்களே...’ : சமந்தாவின் நெகிழ்ச்சி பதிவு