’அடுத்த 10 ஆண்டுகளுக்கு நான் செட்டில்..’: லோகேஷ் கனகராஜ்

தன் அடுத்த படங்களின் திட்டங்கள் குறித்துப் பேசியுள்ளார் இயக்குநர் லோகேஷ் கனகராஜ்.

இயக்குநர் லோகேஷ் கனகராஜ் இயக்கத்தில் நடிகர் கமல்ஹாசன் தயாரித்து நடித்த விக்ரம் திரைப்படம் கடந்த ஜூன் 3 ஆம் தேதி திரையரங்குகளில் வெளியாகி ரூ.400 கோடி அளவிற்கு பெரும் வசூல் சாதனையைப் படைத்தது.

ஓடிடியில் வெளியானாலும் தமிழைத் தாண்டி தெலுங்கு, மலையாளம், கன்னடம் ஆகிய மொழிகளிலும் இந்தப் படத்துக்கு நல்ல வரவேற்பு கிடைத்தது.

இதையும் படிக்க: மீண்டும் பேய் படத்தில் சந்தானம்!

இந்நிலையில், நேர்காணல் ஒன்றில் லோகேஷ் கனகராஜிடம் திரைப்படங்களின் இரண்டாம் பாகம் குறித்து கேள்வி எழுப்பப்பட்டது.

அதற்கு அவர், “ லோகேஷ் கனகராஜ் யூனிவெர்ஸில் என்னால் கைதி 2, விக்ரம் 2 என அப்படங்களின் கருவை முன்வைத்தும் ரோலக்ஸ் போல் ஒவ்வொரு கதாபாத்திரத்தையும் விரிவாக உருவாக்க முடியும். அதனால், இன்னும் 10 ஆண்டுகளுக்கு நான் செட்டில் ஆகிவிட்டேன்” எனத் தெரிவித்துள்ளார்.