புலி வால் பிடித்து விடியோ வெளியிட்ட நடிகருக்கு எதிர்ப்புகள் கிளம்பியுள்ளது!

தனது ட்விட்டர் பக்கத்தில் பகிர்ந்த விடியோவிற்காக பலரது எதிர்வினைனகளுக்கு உள்ளான காமெடி நடிகர்.

Updated On :27 டிசம்பர் 2022, 10:08 am

தமிழில் நகைச்சுவை நடிகராக இருந்து கதாநாயகனானவர் சந்தானம். சமீபத்தில் காமெடி த்ரில்லராக வெளிவந்த ‘ஏஜெண்ட் கண்ணாயிரம்’ திரையரங்குகளில் வெளியானது.

தெலுங்கு படத்தின் ரீமெக்காக எடுக்கப்பட்ட இந்தப் படம் விமர்சனம் ரீதியாக நன்றாக வந்தாலும் வசூல் ரீதியாக வெற்றி பெறவில்லை. கடந்த வாரம் இந்தப் படம் சன் நெக்ஸ்ட் ஓடிடியில் வெளியானது. புத்தாண்டுக்கு பிரபல தமிழ் தொலைக்காட்சியிலும் வெளியாக உள்ளது.

தற்போது சுற்றுலா சென்றபோது புலியின் வாலை பிடித்து விடியோவாக தனது ட்விட்டர் பக்கத்தில் “இதுக்கு பேர்தான் புலி வாலை புடிக்கிறதா” என ஜாலியாக பதிவிட்டு இருந்தார்.

இந்த விடியோ வைரலானது. ஆனால் அதேசமயம் அவருக்கு பல எதிர்வினைகளும் வந்துக்கொண்டு இருக்கிறது. இதற்கு பலரும், “இதெல்லாம் மிருக வதை”, “அன்பு கிடையாது”, “இதற்குபேர்தான் சுற்றுலாவா?” என பலர் எதிர்ப்பு தெரிவித்து வருகின்றனர்.