பிரபு தேவா நடித்துள்ள தேள் திரைப்படம் இன்று திரையரங்குகளில் வெளியாகியுள்ளது. இந்த நிலையில் அவர் நடித்துள்ள பொய்க்கால் குதிரை படத்தின் கிளிம்ப்ஸ் விடியோ வெளியாகியுள்ளது.
இருட்டு அறையில் முரட்டுக் குத்து, கஜினிகாந்த் போன்ற படங்களை இயக்கிய சந்தோஷ் பி ஜெயகுமார் இந்தப் படத்தை இயக்கியுள்ளார். இந்தப் படத்துக்கு டி.இமான் இசையமைக்கிறார்.
பாலு ஒளிப்பதிவு செய்யும் இந்தப் படத்துக்கு ப்ரீத்தி மோகன் படத்தொகுப்பு பணிகளை மேற்கொள்கிறார். கார்கி இந்தப் படத்தின் பாடல்களை எழுதுகிறார். இந்தப் படத்தில் வரலக்ஷ்மி சரத்குமார், ரைசா வில்சன், பிரகாஷ் ராஜ், ஜெகன் ஜான் கொக்கேன் உள்ளிட்டோர் முக்கிய வேடங்களில் நடித்துள்ளனர்.