தமிழில் அறிந்தும் அறியாமலும் படத்தில் மூலம் நாயகனாக அறிமுகமானவர் நவதீப். அந்தப் படம் வெற்றிபெற்றாலும் நவதீப்புக்கு தொடர்ந்து தமிழில் சினிமா வாய்ப்புகள் அமையவில்லை. இதனால் தெலுங்கில் அதிகம் கவனம் செலுத்தினார்.
தமிழில் அஆஇஈ, ஏகன், இது என்ன மாயம் போன்ற படங்களில் அவ்வப்போது நடித்து வந்தார். இந்த நிலையில் நவதீப் நடிக்கும் புதிய படத்தின் அறிவிப்பை நடிகர் ராணா டகுபதி வெளியிட்டுள்ளார். லவ் மௌலி என பெயரிடப்பட்டுள்ள இந்தப் படத்தின் தலைப்பை அறிவிக்கும் விடியோ தற்போது வெளியாகியுள்ளது.
இதையும் படிக்க | சிம்புவின் 'பத்து தல' படத்துக்காக இணையும் 'மாநாடு' வெற்றிக் கூட்டணி
அதில் நவதீப் முற்றிலும் மாறுபட்ட புதிய தோற்றத்தில் இருக்கிறார். அவநீந்திரா இயக்கும் படத்துக்கு கோவிந்த வசந்தா இசையமைக்கிறார். நவதீப்பின் பிறந்தநாளை முன்னிட்டு இந்த அறிவிப்பு வெளியாகியுள்ளது.