முதன்முறையாக சின்னத்திரை தொடரில் நடிக்கும் சத்யராஜ், ஊர்வசி

ஜி தமிழ் டிவி தொடரில் சத்யராஜ், ஊர்வசி கலந்துகொள்ளவிருப்பதாக தகவல் வெளியாகியுள்ளது. 

ஹிந்தியில் வெற்றிபெற்ற பதாய் ஹோ என்ற படத்தின் தமிழ் பதிப்பு வீட்ல விசேசம் என்ற பெயரில் உருவாகியுள்ளது. இந்தப் படத்தில் ஆர்ஜே பாலாஜி, சத்யராஜ், ஊர்வசி, அபர்ணா பாலமுரளி உள்ளிட்டோர் முக்கிய வேடங்களில் நடித்துள்ளனர். 

இந்தப் படம் வருகிற 17 ஆம் திரைக்குவரவிருக்கிறது. இந்தப் படத்தை பிரபலப்படுத்தும் பணிகளில் ஆர்ஜே கடந்த ஒரு மாதமாக ஈடுபட்டு வருகிறார். முன்னதாக ஐபிஎல் போட்டியின்போது ஸ்டார் ஸ்போர்ட்ஸ் நிகழ்ச்சியில் ஆர்ஜே பாலாஜி, சத்யராஜ் ஆகியோர் சிறப்பு விருந்தினர்களாக கலந்துகொண்டனர். 

இதையும் படிக்க | ''என்னைப் பற்றி பேசுவதற்கு பதிலா...'' - சிவாங்கி கொடுத்த பதிலடி

இந்த நிலையில் ஜி தமிழ் தொலைக்காட்சியில் ஒளிபரப்பாகும் புதுப்புது அர்த்தங்கள் தொடரில் சிறப்பு விருந்தினர்களாக சத்யராஜ் மற்றும் ஆர்ஜே பாலாஜி, ஊர்வசி ஆகியோர் நடித்துள்ளனர். சின்னத்திரை தொடரை லட்சக்கணக்கான மக்கள் பார்ப்பதால் வீட்ல விசேசம் படத்துக்கு நல்லதொரு விளம்பரமாக அமையும் என்று கூறப்படுகிறது.