வடிவேலும் நடிக்கும் நாய் சேகர் ரிடர்ன்ஸ் படம் குறித்த புதிய தகவலை லைகா நிறுவனம் வெளியிட்டுள்ளது.
வடிவேலு நடிப்பில் சூரஜ் இயக்கும் படம் - நாய் சேகர் ரிடர்ன்ஸ். ரெட்டின் கிங்ஸ்லி, ஆனந்த்ராஜ், விக்னேஷ்காந்த், ஷிவாங்கி போன்றோர் நடிக்கிறார்கள். இசை - சந்தோஷ் நாராயணன். லைகா சார்பாக சுபாஷ்கரன் தயாரிக்கிறார்.
நாய் சேகர் ரிடர்ன்ஸ் படத்தில் பிக் பாஸ் பிரபலம் ஷிவானியும் நடிக்கிறார். சமீபத்தில் இத்தகவலை உறுதி செய்தார்.
இந்நிலையில் இப்படத்தின் 2-ம் கட்டப் படப்பிடிப்பு மைசூரில் நடைபெற்றது. இதையடுத்து சென்னை திரும்பிய படக்குழு, விரைவில் 3-ம் கட்டப் படப்பிடிப்பு நடைபெறவுள்ளதாகத் தகவல் தெரிவித்துள்ளது. படக்குழுவினரின் புகைப்படம் வெளியிடப்பட்டுள்ளது. இதில் ஷிவானி தவிர குழுவில் வேறொரு பெண் யாரும் இல்லை.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
