பீஸ்ட் படத்தில் இடம்பெற்றுள்ள அரபிக் குத்து பாடலின் காணொளி நேற்று மாலை வெளியாகி ரசிகர்களின் பெரும் வரவேற்பைப் பெற்றுள்ளது.
நெல்சன் இயக்கத்தில் விஜய், பூஜா ஹெக்டே நடிப்பில் உருவான பீஸ்ட் படம் கடந்த ஏப்ரல் 13 அன்று வெளியானது. சன் பிக்சர்ஸ் தயாரித்த இந்தப் படத்துக்கு இசை - அனிருத்.
படம் வெளியாகி நல்ல வசூலைப் பெற்றதால் நெல்சன், பூஜா ஹெக்டே, அனிருத் உள்ளிட்ட படக்குழுவினருக்குத் தனது வீட்டில் விருந்து வைத்தார் விஜய்.
படத்தின் கடைசியில் இடம்பெற்றுள்ள ஜாலியோ ஜிம்கானா பாடலின் காணொளி யூடியூப் தளத்தில் கடந்த வாரம் வெளியிடப்பட்டது.
இந்தியா முழுக்க வரவேற்பைப் பெற்ற அரபிக் குத்து பாடலின் காணொளி நேற்று மாலை வெளியானது. ரசிகர்கள் இப்பாடலின் காணொளிக்காக மிகவும் காத்திருந்ததால் வெளியானவுடன் குறைந்த நேரத்தில் 1 மில்லியன் பார்வைகளைத் தொட்டது. தற்போது 16 மணி நேரத்தில் 5 மில்லியன் (50 லட்சம்) பார்வைகளைப் பெற்றுள்ளது.