காடன் படத்துக்குப் பிறகு இயக்குநர் பிரபு சாலமன் இயக்கும் செம்பி படத்தின் போஸ்டர்கள் வெளியாகியுள்ளன.
2010-ல் பிரபு சாலமன் இயக்கிய மைனா படம் அவருக்குப் பெரிய புகழை அளித்தது. அதன்பிறகு கும்கி, கயல், தொடரி, காடன் போன்ற படங்களை இயக்கினார்.
தற்போது செம்பி என்கிற படத்தை இயக்கி வருகிறார். அஸ்வின் குமார், கோவை சரளா, தம்பி ராமையா, நிலா (10 வயது) போன்றோர் நடிக்கிறார்கள்.
கொடைக்கானலில் இருந்து திண்டுக்கல் நகருக்கு ஓர் பேருந்தில் பயணிக்கும் 24 பேருடைய அனுபவங்களை வெளிப்படுத்தும் படமாக செம்பி இருக்கும் என அறியப்படுகிறது. ஒளிப்பதிவு - ஜீவன், இசை - நிவாஸ் கே. பிரசன்னா.
