தெலுங்கு ‘ரஞ்சிதமே’ பாடல் வெளியீட்டு தேதி அறிவிப்பு!

சமீபத்தில் வெளியாகி வைரலாகி வரும் வாரிசு படத்தின் ‘ரஞ்சிதமே’ பாடலின் தெலுங்கு வெளியீடு குறித்து அறிவிப்பு வெளியாகியுள்ளது.

பிரபல தெலுங்கு இயக்குநர் வம்சி இயக்கத்தில் 'வாரிசு' என்கிற படத்தில் நடித்து வருகிறார் விஜய். ராஷ்மிகா மந்தனா கதாநாயகியாக நடிக்கிறார். இப்படத்துக்கு இசை - தமன். இந்த படம் 2023 பொங்கலுக்கு வெளியாகவுள்ளது. 

சமீபத்தில்  'வாரிசு' படத்தில் இடம்பெற்றுள்ள 'ரஞ்சிதமே' பாடலின் லிரிக்கல் விடியோ வெளியாகி நல்ல வரவேற்பைப் பெற்று வருகிறது. நடிகர் விஜய் பாடிய இப்பாடல் இதுவரை யூடியூப்பில் 7 கோடி பார்வைகளைக் கடந்து சாதனை படைத்து வருகிறது.

இதையும் படிக்க | ரஜினியை குடும்பத்துடன் சந்தித்த பிரபல நகைச்சுவை நடிகர்(படங்கள்)

இதற்கிடையே ‘வாரிசு’ படம் தெலுங்கு மொழியில் ‘வாராசுடு’ என்ற பெயரில் வெளியாகவுள்ளது. இதையடுத்து நாளை(30.11.22) காலை 9.09 மணியளவில் தெலுங்கு ரஞ்சிதமே பாடல் வெளியாகும் என அறிவிக்கப்பட்டுள்ளது.

தமிழ் ரஞ்சிதமே மாபெரும் வெற்றியை பெற்றுள்ள நிலையில், தெலுங்கு ரஞ்சிதமேவுக்கான எதிர்பார்ப்பு அதிகரித்துள்ளது.