நடிகர் கமல்ஹாசன் முறுக்கு மீசையுடன் புதிய தோற்றத்தில் இருக்கும் புகைப்படம் தற்போது இணையத்தில் வைரலாகி வருகின்றது.
ஷங்கர் இயக்கத்தில் நடிகர் கமல்ஹாசனுடன் சித்தார்த், காஜல் அகர்வால், ரகுல் சிங், பிரியா பவானி சங்கர் உள்ளிட்டோர் நடிக்கும் ‘இந்தியன் 2’ படப்பிடிப்பு கடந்த 2019-ல் தொடங்கப்பட்டது.
இதற்கிடையே படப்பிடிப்பு தளத்தில் ஏற்பட்ட விபத்து, கரோனா கட்டுப்பாடு உள்ளிட்ட பல்வேறு காரணங்களால் படப்பிடிப்பு நிறுத்தி வைக்கப்பட்டது.
இதனைத் தொடர்ந்து, கடந்த ஆகஸ்ட் மாதம் மீண்டும் பூஜை போடப்பட்டு, திருப்பதியில் படப்பிடிப்பு நடைபெற்று வருகின்றது.
இந்நிலையில், படத்தின் ஆடை வடிவமைப்பாளரான அம்ரிதா ராம் தனது இன்ஸ்டாகிராம் பக்கத்தில் கமல்ஹாசனுடன் இருக்கும் புகைப்படத்தை பகிர்ந்துள்ளார்.
இதையும் படிக்க | வடிவேலுவின் ’நாய் சேகர் ரிட்டன்ஸ்’ வெளியீடு எப்போது? தகவல்
அந்த படத்தில், நடிகர் கமல்ஹாசன் புதிய தலை அலங்காரத்துடன், முறுக்கு மீசை வைத்து அட்டகாசமாக இருக்கிறார். இந்த புகைப்படம் தற்போது இணையத்தில் வேகமாக பரவி வருகின்றது.