நடிகர் ரஜினியை சந்தித்து வாழ்த்து பெற்றார் ராகவா லாரன்ஸ்!

கடந்த 2005ஆம் ஆண்டு ரஜினிகாந்த் நடிப்பில் பி.வாசு இயக்கத்தில் வெளியான சந்திரமுகி படத்தின் இரண்டாம் பாகத்தில் ராகவா லாரன்ஸை வைத்து பி.வாசு இயக்குகிறார். லைகா புரடக்ஷன் தயாரிப்பில் நடிகர் ராகவா லாரன்ஸ் நடிப்பில் உருவாகும் இப்படத்திற்கு எம்.எம்.கீரவாணி இசையமைக்கிறார்.

ஆர்.டி.ராஜசேகர் ஒளிப்பதிவு செய்கிறார். கலை - தோட்டா தரணி.  மேலும், நகைச்சுவை நடிகர் வடிவேலு முக்கியக் கதாப்பாத்திரத்தில் நடிக்கிறார்.

இனிமேல் நானே அறக்கட்டளைக்கு தேவையான பணத்தினை பார்த்துக் கொள்கிறேன். யாரும் அன்பளிப்பு அளிக்க வேண்டாம் என சமீபத்தில் லாரன்ஸ்  தெரிவித்தது குறிப்பிடத்தக்கது. 

இந்நிலையில் தனது 46வது பிறந்த நாளன்று நடிகர் ரஜினியை சந்தித்து வாழ்த்துப் பெற்றுள்ளார். இது பற்றி தனது ட்விட்டர் பக்கத்தில் ராகவா லாரன்ஸ் கூறியதாவது: 

என்னுடைய பிறந்த நாளில் தலைவர் மற்றும் குருவாகிய ரஜினி சாரிடம் வாழ்த்து பெற்றது மிகுந்த மகிழ்ச்சியளிக்கிறது. ஒவ்வொரு வருடமும் எதாவது சேவை செய்வேன். இந்தாண்டு அன்னதானம் செய்யவிருக்கிறேன். பசியின் முக்கியத்துவம் அறிந்ததால் இதை செய்கிறேன். நானே நேரடியாக சென்று என்னால் முடிந்தவரை உணவளிக்க இருக்கிறேன். எனக்கு உங்களது ஆசிர்வாதம் தேவை.