இந்த வார டிஆர்பி: முதலிடத்தில் புதிய சீரியல்!

வெள்ளித்திரையைப் போலவே சின்னத்திரைக்கும் ஏராளமான ரசிகர்கள் உள்ளனர். எந்தெந்த தொடர்கள் ரசிகர்களை அதிகம் ஈர்த்துள்ளது என்பதை டிஆர்பியின் மூலம் தெரிந்து கொள்ளலாம்.

சின்னத்திரை தொடர்களுக்கான இந்த வார டிஆர்பி பட்டியல் வெளியாகியுள்ளது.

அந்த வகையில், முதல் 5 இடங்களை பிடித்த தொடர்கள் எவை என்பதைப் பார்க்கலாம்.

சன் டிவியின் புதிய சீரியலான சிங்கப் பெண்ணே தொடர் 11.20 டிஆர்பி புள்ளிகளைப் பெற்று முதலிடத்தில் உள்ளது. கயல் சீரியல் 10.34 டிஆர்பி புள்ளிகளைப் பெற்று இரண்டாம் இடத்தில் உள்ளது.

அண்ணன் - தங்கை இடையேயான உறவை மையப்படுத்தி எடுக்கப்பட்டு வரும் வானத்தைப் போல சீரியல் 9.88 டிஆர்பி புள்ளிகளைப் பெற்று 3-வது இடத்திலும், எதிர் நீச்சல் தொடர் 9.78 டிஆர்பி புள்ளிகளைப் பெற்று நான்காவது இடத்திலும் உள்ளது.

இதையும் படிக்க: கிங்ஸ்டன் படத்தில் மீனவனாக ஜி.வி. பிரகாஷ்!

சுந்தரி தொடர் 9.66 டிஆர்பி புள்ளிகளைப் பெற்று 5-வது இடத்தை பெற்றுள்ளது.  சன் டிவியில் ஒளிபரப்பாகும் தொடர்களே முதல் 5 இடங்களை பெற்றுள்ளது குறிப்பிடத்தக்கது.