அமீரின் ‘மாயவலை’ டீசரை வெளியிடும் முக்கிய இயக்குநர்கள்!

பிரபல இயக்குனர் அமீர், பருத்திவீரன், ராம், மௌனம் பேசியதே போன்ற வெற்றி படங்களை கொடுத்திருக்கிறார். அதேசமயம் கடந்த 2009இல் யோகி என்னும் திரைப்படத்தில் கதாநாயகனாகவும் அறிமுகமானார். வெற்றிமாறன் இயக்கத்தில் வெளியான வடசென்னை திரைப்படத்திலும் நடித்து பெயர் பெற்றார். தற்போது மீண்டும் வெற்றிமாறனுடன் இணைந்து வாடிவாசல் திரைப்படத்தில் முக்கிய கதாபாத்திரத்தில் நடிக்க இருக்கிறார்.

இதையும் படிக்க: விஜய் குமார் பெயரும் என் பெயரும் ஒன்றாக வரவேண்டி 2017-இல் இருந்து முயற்சிக்கிறேன்: லோகேஷ் கனகராஜ் 

பருத்திவீரன் தொடர்பாக ஞானவேல்ராஜாவுக்கும் அமீருக்கும் பிரச்னைகள் சமீப காலமாக தீவிரம் அடைந்தது. அமீருக்கு ஆதரவாக பல இயக்குநர்கள் குரல் கொடுத்தனர்.  அவர்கள் அனைவருமாக இணைந்து படத்தின் டீசரை வெளியிட உள்ளனர். 

இதையும் படிக்க: க்ரஷ்மிகா சங்கத்தில் நானும் இணைகிறேன்: ராஷ்மிகாவை புகழ்ந்த ஆலியா பட்! 

நீண்ட இடைவெளிக்கு பிறகு மாயவலை என்னும் திரைப்படத்தில் ஹீரோவாக நடித்திருக்கிறார். இந்த படத்தை ரமேஷ் பாலகிருஷ்ணன் இயக்க யுவன் சங்கர் ராஜா இசை அமைத்துள்ளார். ராம்ஜி ஒளிப்பதிவு செய்துள்ளார். இந்த படத்தில் ஆர்யாவின் தம்பி சத்யா மற்றும் பலர் நடித்துள்ளனர்.

இதையும் படிக்க: நடிகை தர்ஷனா ராஜேந்திரன் படத்துக்கு கதை எழுதும் எழுத்தாளர் பெருமாள் முருகன்! 

முதலில் இந்த படத்தை அமீரும் யுவன் சங்கர் ராஜாவும் இணைந்து தயாரித்தனர். ஆனால் தற்போது வெற்றிமாறனும், அமீரும் இந்த படத்தை இணைந்து தயாரிக்கின்றனர். சில நாட்களுக்கு முன்பாக இதன் முதல் பார்வை வெளியாகி நல்ல வரவேற்பை பெற்றது.

இதையும் படிக்க: ஃபைட் கிளப் டீசர் வெளியீட்டு விழாவில் கண் கலங்கிய நடிகர் விஜய்குமார்! 

இந்நிலையில், படத்தின் டீசர் டிச.5ஆம் தேதி மாலை 6 மணிக்கு வெளியாக உள்ளது. இந்த டீசரை முக்கிய இயக்குநர்கள் வெளியிட இருக்கிறார்கள். அதாவது இயக்குநர்கள் வெற்றிமாறன், சேரன், சசிகுமார், சமுத்திரக்கனி, கரு.பழனியப்பன், நடிகர் பொன்வண்ணன் மற்றும் பாடலாசிரியர் சினேகன் ஆகியோர் வெளியிட உள்ளார்கள்.