லோகேஷ் கனகராஜ் இயக்கத்தில் கார்த்தி, நரேன், அர்ஜுன் தாஸ் உள்ளிட்டோர் நடிப்பில் கடந்த 2019 ஆம் ஆண்டு தீபாவளியை முன்னிட்டு வெளியாகி மாபெரும் வெற்றியை கைதி திரைப்படம் பதிவு செய்தது.
இந்தப் படம் ஹிந்தியில் அஜய் தேவ்கன் நடிப்பில் ’போலா’ என்ற பெயரில் ரீமேக் செய்யப்பட்டு வெளியாகி கடும் விமர்சனத்தைப் பெற்றது.
இப்படத்தின் இரண்டாம் பாகத்தை எடுக்கும் திட்டத்தில் இருக்கிறார் லோகேஷ் கனகராஜ். ஆனால், அப்படத்திற்கு முன் லியோ படத்தை இயக்கினார். தொடர்ந்து, கைதி - 2 படத்தை எடுப்பார் என எதிர்பார்க்கப்பட்டது. இருப்பினும், நடிகர் ரஜினிகாந்த்தின் 171-வது படத்தை இயக்குவதாக அறிவித்திருக்கிறார்.
இதையும் படிக்க: ஏ சான்றிதழுடன் வெளியாகும் ஃபைட் கிளப்!
இந்நிலையில், இப்படத்துக்கு பின் உறுதியாக லோகேஷ் கைதி - 2 படத்தையே இயக்குவார் எனக் கூறப்படுகிறது. தற்போது, கைதி - 2 படத்திற்கு முன்பாக அக்கதையைக் கூறவும் எல்சியூ கதாபாத்திரங்களை அறிமுகப்படுத்தவும் லோகேஷ் கனகராஜ் 10 நிமிட குறும்படத்தை இயக்கியுள்ளதாகத் தகவல் வெளியாகியுள்ளது.
கைதி - 2 வெளியீட்டிற்கு முன் இக்குறும்படத்தை வெளியிடுவார்கள் என எதிர்பார்க்கப்படுகிறது.