லட்சுமி மேனனின் புதிய தமிழ்ப்படம் குறித்த அப்டேட்! 

ஆதி - அறிவழகன் கூட்டணியில் மீண்டும் புதிய திரைப்படம் உருவாகவுள்ளது. இயக்குநர் அறிவழகன் இயக்கத்தில் ஆதி நடிப்பில் கடந்த 2009 ஆம் ஆண்டு வெளியாகி பெரிய வெற்றிபெற்ற திரைப்படம் ‘ஈரம்’. அதன்பின், அறிவழகன் - ஆதி கூட்டணி இணையாமல் இருந்தது.

13 ஆண்டுகளுக்குப் பின் இருவரும் ‘சப்தம்’ என்கிற படத்தின் மூலம் இணைகிறார்கள். இப்படத்தின் பூஜை சமீபத்தில் நடைபெற்றது. 

இதையும் படிக்க: ’உடல்.. பொருள்.. ஆவி..’ நண்பகல் நேரத்து மயக்கம் - திரைவிமர்சனம்

திரில்லர் பாணியில் உருவாகவுள்ள இப்படத்தை ஆல்ஃபா ஃப்ரேம்ஸ், 7ஜி ஃபிமிம்ஸ் நிறுவனம் தயாரிக்கிறது. தமன் இசையமைக்கிறார்.

இந்தப் படத்தில்தான் நடிகை லட்சுமி மேனன் இணைந்துள்ளார். 2106இல் வெளியான ரெக்க படத்திற்குப் பிறகு நீண்ட இடைவெளிக்குப் பிறகு புலிக்குத்தி பாண்டி, ஏஜிபி சீஷோபிரீனியா படங்களில் நடித்தார். இரண்டு படங்களும் பெரிதாக வெற்றி தரவில்லை. 

இதையும் படிக்க: 'ஏலே' படத்திலிருந்து திருடப்பட்டதா மம்மூட்டியின் புதிய படம்? இயக்குநர் ஹலீதா குற்றச்சாட்டு

இந்நிலையில், இயக்குநர் அறிவழகன் தனது ட்விட்டர் பக்கத்தில், “திறமையான அழகான லட்சுமி மேனனை சப்தம் படத்தில் வரவேற்கிறேன்” என பதிவிட்டுள்ளார்.