தனுஷின் ‘வாத்தி’: 2வது பாடல், ரிலீஸ் தேதி அறிவிப்பு! 

'திருச்சிற்றம்பலம்', 'நானே வருவேன்' படங்களுக்கு பிறகு தனுஷ் தற்போது வெங்கி அட்லுரி இயக்கத்தில் 'வாத்தி' படத்தில் நடித்துள்ளார். தெலுங்கில் சார் என்ற பெயரில் இந்தப் படம் உருவாகியுள்ளது.

சித்தாரா எண்டர்டெயின்மென்ட்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைத்துள்ளார். இப்படத்தில் தனுஷுக்கு ஜோடியாக சம்யுக்தா மேனன் நடிக்க, சமுத்திரக்கனி முக்கிய வேடத்தில் நடித்துள்ளார்.  

இதையும் படிக்க: தெலுங்கில் மாபெரும் வரவேற்பு: ‘வாரிசு’ திரைப்படம் 3 நாளில் ரூ.100 கோடி வசூலா?

'வாத்தி' திரைப்படம் பிப்ரவரி 17ஆம் தேதி வெளியாகும் என படக்குழு தெரிவித்துள்ளது. இந்நிலையில் ‘வாத்தி’ திரைப்படத்தின் 2வது பாடல் ஜன.17ஆம் தேதி வெளியாகுமென படக்குழு அறிவித்துள்ளது. மேலும் பொங்கல் வாழ்த்துகளையும் படக்குழு தெரிவித்துள்ளது.

இசை வெளியீட்டு விழா பிப்ரவரியில் பிரம்மாண்டமாக நடத்த உள்ளதாக தகவல் வெளியாகியுள்ளது. 

இதையும் படிக்க: ‘ரஞ்சிதமே பாடலுக்கு கருவிலுள்ள குழந்தையும் அசைகிறது’- விடியோ பகிர்ந்து தமன் நெகிழ்ச்சி!